ප්‍රාථමික අංශයේ වාර විභාග ඉවතට! අධ්‍යාපන ඇමතිවරයාගෙන් අලුත් තීරණයක්
- News Unit
- Dec 22, 2022
- 1 min read
2023 වසරේ මාර්තු මස අග සිට ආරම්භ වන නව පාසල් අධ්‍යයන වර්ෂයේ දී ප්‍රාථමික අංශ සඳහා වාර විභාග නොපැවැත්වීමට තීරණය කළ බව අධ්‍යාපන අමාත්‍ය ආචාර්ය සුසිල් ප්‍රේමජයන්ත පවසනවා.ඒ වෙනුවට පාඩමෙන් පාඩමට සිසුන්ට අභ්‍යාස ලබාදී එහි ලකුණු වාර්තා ලබාගෙන ඒවා වසර අවසානයේ පවත්වනු ලබන විභාගයේ ලකුණු සමඟ එකතු කොට ඒ අනුව සිසු ඇගයීම් සහ තක්සේරුකරණ ක්‍රියාවලියක් ආරම්භ කරන බවයි අමාත්‍යවරයා කියා සිටියේ.සිසුන්ට, පාසල කැමති ස්ථානයක් කිරීමේ අරමුණින් මෙම පියවර ගන්නා බවයි අමාත්‍යවරයා කියා සිටියේ.
ලබන වසරේ දෙසැම්බර් මාසයේ අවසානය වන විට සියලු පාසල් විෂය නිර්දේශයන් අවසන් කොට පාසල් අධ්‍යයන කටයුතු නැවත යථා තත්ත්වයට පත් කිරීමට කටයුතු කරන බව අධ්‍යාපන අමාත්‍යවරයා පවසනවා.
ඒ සඳහා අවශ්‍ය කරන නිල ඇඳුම්, පෙළපොත් හා අවශ්‍ය පරිදි අභ්‍යාස පොත් ඇතුළු පාසල් උපකරණ නිස පරිදි ලබාදීමට කටයුතු කරන බවද අමාත්‍යවරයා කියා සිටියා.
Comentarios